श्रावण १६ राष्ट्रिय कोदो दिवस, रैथाने धापासीमा प्रथम कोदो दिवस मनाइदै ।

असार २३, २०८२ मा बसेको मन्त्रिपरिषद बैठकमा गरिएको निर्णय बमोजिम अब कोदोजन्य बालीको प्रचार प्रसार तथा प्रवर्धनको निमित्त हरेक वर्ष श्रावण १६ गतेलाई राष्ट्रिय कोदो दिवसको रुपमा मनाईने भएको छ ।

कोदोजन्य परिकारको आहारः खाद्य सुरक्षा र स्वस्थ जीवनको आधार नारा सहित प्रथम राष्ट्रिय कोदो दिवस २०८२ भोली श्रावण १६ गते देशभर मनाइदै छ ।

यसै अवसरमा रैथाने एग्रो प्रडक्टस नेपालले विश्व प्रकृति संरक्षण नेपालको आयोजना र कृषि अनुसन्धान परिषद, बाली विकास तथा कृषि जैविक बिविधता संरक्षण केन्द्र र टोखा नगरपालिकाको सहकार्यमा टोखा नगरपालिका वडा नं. ४, धापासि हाइट स्थीत रैथाने कार्यालयमा दिउसो १ बजे कार्यक्रम गर्ने भएको छ ।

कोदो दिवस मनाउने सन्दर्भमा कोदोजन्य बिविध परिकारहरु तयार पार्ने, कोदो बाली सम्वन्धि अन्तत्र्रृmया गर्ने तथा कोदोजन्य बाली र यसको प्रयोग बारे जनचेतनामुलक कृयाकलापहरु गर्ने तयारी भएको छ ।